Mat 24:45-51 | SwhNEN | STEP | “Ni nani basi aliye mtumishi mwaminifu na mwenye busara, ambaye bwana wake amemweka kusimamia watumishi wengine katika nyumba yake, ili awape chakula chao kwa wakati unaofaa?

Matthew 24:45-51

Mfano Wa Mtumishi Mwaminifu

(Luka 12:41-48)

45 ^a “Ni nani basi aliye mtumishi mwaminifu na mwenye busara, ambaye bwana wake amemweka kusimamia watumishi wengine katika nyumba yake, ili awape chakula chao kwa wakati unaofaa? 46 ^bHeri mtumishi yule ambaye bwana wake atakaporudi atamkuta akifanya hivyo. 47 ^cAmin, nawaambia, atamweka mtumishi huyo kuwa msimamizi wa mali yake yote. 48 ^dLakini kama huyo mtumishi ni mwovu, naye akasema moyoni mwake, ‘Bwana wangu atakawia muda mrefu,’ 49 ^ekisha akaanza kuwapiga watumishi wenzake, na kula na kunywa pamoja na walevi. 50 Basi bwana wa mtumishi huyo atakuja siku asiyodhani na saa asiyoijua. 51 ^fAtamkata vipande vipande na kumweka katika sehemu moja pamoja na wanafiki, mahali ambako kutakuwa ni kulia na kusaga meno.